Энержи ресурс компанийн “Нээлттэй өдөрлөг-2025” Өмнөговь аймгийн Цогтцэций суманд 2025.08.08-08.09-ний өдрүүдэд амжилттай зохион байгуулагдлаа. Тус өдөрлөгөөр компанийн үйл ажиллагааны талаарх олон талт мэдээллийг нээлттэй танилцуулах, орон нутгийн иргэдийг мэдээллээр хангах, тэдний санал, хүсэлтийг сонсох, орон нутгийн иргэдийг нээлттэй ажлын байрны мэдээллээр хангах, анкет бөглүүлэх зэрэг хамтын оролцоог хангасан үр дүнтэй өдөрлөг болж өндөрлөв. Тус өдөрлөгийн санал асуулгын нэгтгэл үр дүнгээс товч дурдвал: 

• Нийт 467 хүн идэвхтэй санал, асуулга бөглөснөөс 90 орчим хувь нь өөрийн санал хүсэлтээ бүрэн илэрхийлэх боломжоор хангагдсан гэж үзжээ.  Мөн  компанийн өргөдөл, гомдлыг шийдвэрлэх механизмыг 55% нь маш сайн, 24% нь сайн, 12% нь дунд зэрэг гэж үнэлжээ.  

•      Үүнээс гадна орон нутгийн иргэдэд сургалт, өдөрлөг зохион байгуулж сайжруулах, тогтмол мэдээллээр хангах,  компанийн нээлттэй ажлын байр, үйл ажиллагааны ил тод байдал, нийгмийн хариуцлага, орон нутгийн хөгжил зэрэг  мэдээллүүдийг түлхүү  авахыг хүссэн хүсэлтүүд ирүүлсэн байна.

Бид цаашид нээлттэй өдөрлөгийн хүрээнд орон нутгийн иргэдээс ирсэн санал, хүсэлтийг үйл ажиллагаандаа тусгаж, илүү сайжруулж ажиллахаар төлөвлөн ажиллаж байна.  

Та нээлттэй өдөрлөгийн санал, асуулгын үр дүнгийн дэлгэрэнгүйг доорх линкээр үзэх боломжтой.

https://drive.google.com/file/d/19OwVBoSxcF1kEKvR8zrcaRCUU9sUFL4y/view?usp=sharing