Үндэсний томоохон компаниудын хамтын хөрөнгө оруулалттайгаар Энержи Ресурс компани байгуулагдав.
Монголдоо анх удаа уурхайн төслийн үйл ажиллагааг танилцуулах Нээлттэй өдөрлөгийг зохион байгуулж, Өмнөговь аймгийн Цогтцэций, Баян-Овоо, Ханбогд сумдын ард иргэдийг хамруулав.
Ухаа худаг хотхон байгуулагдаж, уурхайн цогцолборын шанг татав.
Уурхайн үйл ажиллагаа эхлэхээс ч өмнө Ухаа худаг орчимд археологийн хайгуул, судалгаа хийж гүйцэтгэв.
Ухаа худаг уурхайг улсын комисс хүлээж авч, үйл ажиллагаа нь албан ёсоор эхлэв.
Тавантолгой нисэх буудлыг ашиглалтад оруулав.
“Mongolian Mining Corporation” нэрээр Хонконгийн хөрөнгийн биржид хувьцаагаа гаргаж, Монголын компаниудаас анх удаа олон улсын зах зээлд амжилттай хөл тавив.
Орчин үеийн шинэлэг дизайн, архитектурын онцгой шийдэл бүхий “Галерей” ажиллагсдын кэмп ба уурхайн засварын төвийг ашиглалтад оруулав.
Ухаа худаг – Гашуун сухайт чиглэлийн 245 км, үйлдвэрийн зориулалтын хатуу хучилттай авто замыг дан монгол инженер, техникийн ажилтнууд барьж, ашиглалтад оруулав.
Монголын анхны Нүүрс баяжуулах үйлдвэрийн I модуль ба ус хангамжийн дэвшилтэт системийг ашиглалтад оруулав.
Анх удаа дан монгол инженерүүд бие даан барьсан 18 мегаваттын цахилгаан станц ашиглалтад орж, Ухаа худаг уурхай болон олон жилийн турш тог цахилгаангүй байж ирсэн Цогтцэций сумыг байнгын эрчим хүчээр хангаж эхлэв.
Төрийн өмчит Эрдэнэс МГЛ ХХК-тай хамтран Гашуун сухайтын боомтод томоохон хэмжээний өргөтгөл хийж, хүчин чадлыг өмнөхөөс 2-3 дахин нэмэгдүүлэв.
Ухаа худаг цогцолбор нь Монгол Улсын аж үйлдвэр, боловсруулах салбарын хөгжилд оруулж буй хувь нэмрээрээ Монгол Улсын Ерөнхийлөгчийн зарлигаар олгодог Үндэсний бүтээн байгуулалтын дээд шагнал “Төрийн Гэрэгэ”-г хүртэв.
Орчин үеийн боловсролын стандартыг бүрэн хангасан, нийт 700 хүүхдийн сургууль, 150 хүүхдийн цэцэрлэг, 100 хүүхдийн дотуур байр бүхий, “Мөрөөдөл” боловсролын цогцолборыг Өмнөговь аймгийн захиргаатай хамтран байгуулж, ашиглалтад оруулав.
Нүүрс баяжуулах үйлдвэрийн дэргэд Хаягдлыг усгүйжүүлэх үйлдвэрийг шинээр барьж ашиглалтад оруулснаар үйлдвэрлэлд ашиглагдах усны хэмжээг өмнөхөөс 60-70% нэмэгдүүлж, байгаль орчинд ээлтэй, орчин үеийн шилдэг технологийг Монголд нутагшуулав.
Монголын анхны Нүүрс баяжуулах үйлдвэрийн нийт 3 модулийг бүрэн барьж дуусган, ашиглалтад оруулав. Нүүрсийг түүхийгээр нь бус баяжуулж, боловсруулан экспортолсноор Монгол нүүрсний үнэ цэнэ, олон улсын зах зээлд өрсөлдөх чадварыг нэмэгдүүлэхэд томоохон, бодит алхам хийв.
Цогтцэций суманд “Цэций” орон сууцны хорооллыг 3 ээлжээр барьж дуусган, ашиглалтад оруулснаар нийт 650 айл өрх иж бүрэн тавилга, бүрэн тохижилттой орон сууцанд оров.
“Global CSR” олон улсын шалгаруулалтанд өндөр амжилттай оролцож, компанийн нийгмийн хариуцлагын чиглэлд хийж хэрэгжүүлсэн ажлуудаараа төгсгөлийн шатны ТОП-3 оролцогчийн нэгээр шалгарав.
Монголын Татварын Албанаас 2010-2014 онд төлсөн татварын хэмжээгээр улсдаа тэргүүлэгч нийт 100 аж ахуйн нэгжийн жагсаалтыг гаргахад Энержи Ресурс компани “айргийн тав”-д буюу Эрдэнэт үйлдвэр, Оюутолгой, АПУ компаниудаас араас 4 дүгээр байрт бичигдэв.
Монголын Тавантолгойн нүүрсийг Япон, Солонгос гэх мэт далайн чанадын, гуравдагч зах зээлд хүргэх чиглэлд хамтран ажиллахаар Японы Сумитомо корпорацитай санамж бичиг байгуулав.
Ухаа худагийн Нүүрс баяжуулах үйлдвэр 40 сая дахь тонн нүүрсээ хүлээн авч баяжуулснаар Монголын уул уурхай, боловсруулах үйлдвэрлэлийн хөгжлийн түүхэнд шинэ амжилт тогтоов.
2012 оноос хойш үргэлжилсэн уул уурхайн салбарын хямралыг амжилттай даван туулж, зээлийн бүтцийн шинэчлэлийг богино хугацаанд амжилттай хийж дуусгав. Олон улсын зээлдүүлэгчдийн итгэлийг хүлээж, нийт 828 сая ам.долларын өрийг 425 сая болтол бууруулсан төдийгүй зээлийн эргэн төлөгдөх хугацааг 5-6 жилээр хойшлуулж, хүүгийн хэмжээг багасган, зах зээлийн үнэтэй уялдсан уян хатан болгох тохиролцоог амжилттай хийв. Ингэснээр өрийн харьцаа (өр/ нийт хөрөнгө) дэлхийн уул уурхайн салбарын компаниудын дунджаас ч доогуур, “эрүүл” үзүүлэлттэй байна.
Монголоос анх удаа Энержи Ресурс компани ISO стандартуудыг Олон улсын менежментийн тогтолцоо хэлбэрээр буюу цогцоор нь үйл ажиллагаандаа нэвтрүүлж, Францад төвтэй стандартчлалын Афнор компаниас Баталгаажуулалтын гэрчилгээгээ гардан авав.
MMC буюу Энержи Ресурс компанийн олон улсын зах зээлд гаргасан 5 жилийн хугацаатай, 440 сая ам.долларын бондод Finance Asia фирмээс Country deal of the year буюу Монгол Улсын 2019 оны санхүүгийн шилдэг хэлцлээр нэрлэсэн бол мөн IFR Global болон IFR ASIA фирмээс Ази тивийн 2019 оны санхүүгийн шилдэг хэлцлээр тус тус онцолсон.
Малайз улсад зохион байгуулагдсан 11 дэх удаагийн Global CSR summit & awards – Компанийн нийгмийн хариуцлагын олон улсын шалгаруулалтад Энержи Ресурс компани нэр дэвшиж, Ази-Номхон далайн бүсийн 200 гаруй компанитай өрсөлдөн, Монголын компаниудаас анх удаа Gold буюу ТОП шагналыг хүртэв.
Төр, хувийн хэвшлийн түншлэлийн хүрээнд нүүрсний экспортыг эрчимжүүлэх, хилийн боомтуудын нэвтрүүлэх чадварыг нэмэгдүүлэх зорилгоор нүүрсний экспортын гол суваг Гашуунсухайт боомтод чингэлэгт тээврийн нэмэлт терминал байгуулах төслийн гүйцэтгэгчээр төртэй хамтран ажиллаж, нийт 30 га талбайд терминал байгуулах ажлыг хоёр сарын хугацаанд барьж дуусгаж, улсын комисст хүлээлгэн өгөв.